31/10 拆線

拆1針,少事一件,請姑娘睇電腦,1/11有冇電療期, 冇......唔係呀.....真係好嬲, 上次又話太遲, 但10月尾未開始,仲未有日期, 唔知幾時, 於是直去腫瘤科, 李姑娘就即告訴我明天可以開始電療前最後準備, 唉......點解係要人追要有答案!!!!!

冇booking?

24/10睇報告, 醫生話腫瘤科預31/10見, 但到今天4點半都未有電話, 打去問, 話下星期唔見有我個名, 唔係呀, 又拖?????? 10月中變10月尾?留個電話等明天姑娘覆。

25/10,如我所料, 下午都未有人霞, 再打去, hotline 答我姑娘知道, 但未有日期, 我個心又緊張起黎,怕好似之前既亞MAY咁, 人為遲咗治療, 同HOTLINE講要求直接同姑娘對話, 否則即刻到腫瘤科面質。
最初有個我估係Clerical同我講,
c: 當時同醫生講既係31號, 但唔係一定
v:  如果有改, 你地唔係應電話通知咩, 我9 月尾你地話會打比我個期, 我見醫生話睇埋 
     petscan 個report, 我唔追等到10月尾, 等咗1個月啦, 而定一句話醫生未睇,咁佢又幾時睇呢,
     人命黎架,醫生唔係應救人先既咩?當日佢話次數可會因報告加多減少, 但開始日期唔改,
     即使31號, 都遲咗半個月
c: 唔知架, 佢可能開會有時唔得閒睇, 要佢簽名先作實
v: 呢間醫院個個醫生都超忙, 你咁講即係我既醫生好得閒先會理我啦 (我見個度有D人行黎
    行去傾計, 真係忙到咁?咁病人死因要多個原因, 醫生太忙, 疏忽照顧身亡)
c:咁我搵個姑娘轉頭覆你

中間對話仲有個音既問題11月1同11月7, 對方堅持冇講7號, 可能有D國內人既音, 呢D少事, 算!

~~個一刻, 心中忐忑不安, 即係點, 7 月頭停化療, 11月未有任何動作, 分分鐘返發....

1個鐘後有位李姑娘覆, 話欠醫生簽名, 原則上11月1 日做最後準備, 11月2 日開始電療如果星期一都冇電話, 竟1/11 10點見啦。

Finally, finally.....

打風, 22/10-->24/10

本來22/10取報告, 21號晚都瞓我唔好,仲要打風, 拖多2日, 24號先睇報告。

報告講, 個癌細胞Size冇大冇細, 光度由3.4暗咗少少變做3, 於是電療係必行,趕盡殺絕。
另於胸腺有少少光, 有可能係化療過後,開始回復生長, 但都係要睇住啦。
甲狀腺有光, 呢個醫生建議先照超聲波, 再抽組織。但都係電療先行。一聽到要抽組織, 心都打個冷震。
仲有一個tiny腎石, 醫生話報告size都冇list, 可能好細, 分分鐘小便時排走，如有腰痛或者小便痛, 就要睇醫生。

開心一半一半啦。準備心情, 開始電療。

不過, 即日下午即拔除相連表近1年既HICKMAN, 又開心又唔捨得, 過程醫生非常細心,冇咗條喉, 舒服到難以形容。

19/10 Petscan

今次因為改咗日期, 唔記得UPDATE埋個時間, 以為1145, 點知不來係10點半, 醫院見人未到打黎, 我仲未換好衫, 咁即刻嗱嗱聲出門口, 好彩好快有的士, 但塞車又遲咗一陣, 11點50分到。去到, 佢同我講, 因為我遲咗, 要比早到既人先, 我即刻問, 我上次早咗, 有個遲咗1個鐘, 你又唔比我早?因為第一次那人遲1個鐘, 我本身0930要等到1130先有得做, 整到我3點先食野,所以我
 今次唔肯。

今次本身2點通知可以走, 換好衫,等到2點半都未有姑娘幫我拆豆, 入去睇原本佢同個病人傾計, 而該病人就係2點鐘已入去, 終於2點9走得, 唸住去旺角搵老公一齊走, 落大雨, 仲要澗水, 正為冇整濕對鞋開心, 一架私家車車過水氹, 濕晒。

傷口敏感

傷口敏感, 痕到想死...