打風, 22/10-->24/10

本來22/10取報告, 21號晚都瞓我唔好,仲要打風, 拖多2日, 24號先睇報告。

報告講, 個癌細胞Size冇大冇細, 光度由3.4暗咗少少變做3, 於是電療係必行,趕盡殺絕。
另於胸腺有少少光, 有可能係化療過後,開始回復生長, 但都係要睇住啦。
甲狀腺有光, 呢個醫生建議先照超聲波, 再抽組織。但都係電療先行。一聽到要抽組織, 心都打個冷震。
仲有一個tiny腎石, 醫生話報告size都冇list, 可能好細, 分分鐘小便時排走，如有腰痛或者小便痛, 就要睇醫生。

開心一半一半啦。準備心情, 開始電療。

不過, 即日下午即拔除相連表近1年既HICKMAN, 又開心又唔捨得, 過程醫生非常細心,冇咗條喉, 舒服到難以形容。