第一次電療

好緊張, 到我啦, 入去先係入口坐等叫先入去更衣室除衫, 手震, 望到出面坐係梳化既老公幫我影相, 雖然笑緊,眼角淚水微微流下。

入到去, 緊張到個頭"kwok"一聲撞落個模度, 過程好快, 聽到dee dee聲..仲聽到"好心分手","又不是80年代"隻歌, 3劍俠咁後生, 都會聽我年代既歌!!

十幾分鐘, 佢地話做完,聽日見。

做完個刻冇大感覺, 約半個鐘後開始有少少頂胃,去咗食個熱湯飯, 就冇咗呢個感覺。食完後, 突然覺我好攰, 要即刻返屋企, 瞓咗4個鐘。真係攰到莫名其妙。