我一向認為社康護士會比醫院的較善良,因她們沒有那麼大壓力,點知我遇到的都是好差。
當初十一月手術做了導管之後, 社康護士不停致電問幾時家訪。奈何當時日日進出醫院同私家醫生, 暫時未有需要,所以決定通知需要時再致電,免得好們每次等我回覆。但其實通知好們取消都不易,因為永遠你會聽到好們沒有MUTE電話, 就大叫邊個做火炭區架, 你會聽到好們大聲講大聲笑, 電話轉駁又轉駁,你不停講全名及地址, (係公眾地方時, 真係好煩及冇私隱),最後就話你知放咗假。負責放假都應有人跟架, 佢才非常不願意地窯底, 仲要話: 「你下次打黎,講個名同地址就得架啦。」我答佢:「我打黎時已咁講, 你既同事轉駁咗4次, 我每一次都要重覆。」呢次我都算啦.
今次, 因上星期五醫生中午通知我星期四入院, 而星期一不用到日間醫院,我便需要社康護士幫忙通導管,我知道即卞1300致電她們, 可惜只有留言。等到1600未見回覆,於時再打去, 對方聲稱沒有收過我留言, 比咗個人資料佢, 佢話要搵下我既資料, 才回覆我。過了30分鐘仍未收到任何回覆, 再打去, 已是留言。於是我即時同日間護理病房姑娘反應, 她們即時替我通及換駁頭。
星期六1530收到她們電話, 告訴我她們可以安排,但問我有沒有藥和針筒, 我即時呆了。她知道我第一次,應該不知道要預先準備什麼，但為何她昨天不告訴我?她昨天完全沒有回覆. 她還要說:「病房護士應該要告訴你。」我未收到你們作實星期一會到的電話, 怎會叫病房準備文件。我昨天下午一時致電, 不是應早點回覆我嗎? 如不是我4點打去, 你根本唔會理會。自己失職, ,不好好道歉, 還推責任給病房。這樣不是解決問題, 佢最後提議我,叫我星期一先到日間病房拎藥,再自購針筒,他們下午到家。如果我到病房, 我已可在病房沖喉,根本不用好們到訪。
這樣做,令我這個病人心痛, 社康護士不是幫人嗎?我夾在中間似皮球般踢黎踢去,十分難受。
沒有留言:
張貼留言